ედმონ როსტანის „სირანო დე ბერჟერაკის“ მიხედვით – თავისუფალი ადაპტაცია.
თარგმანი: ირინა ბაგაური
პიესის ავტორი: ლეონარდო მანძანი, როკო პლაჩიდი
რეჟისორი: ლეონარდო მანძანი
მხატვარი: ჯუზეპე სტელატო
კოსტიუმების მხატვარი: გრაციელა პეპე, დავით გევორქოვი Davidsroad
მუსიკა: ალესანდრო ლევრერო, ფრანკო ვიზიოლი, ერეკლე გეწაძე
ცოცხალი შესრულება: ერეკლე გეწაძე
ტექნიკური რეჟისორი: ეკატერიე გაბაშვილი
განათების მხატვარი: მიხეილ ბაქრაძე, ოთარ კალანდაძე
ხმის რეჟისორი: კახა ხოშტარია, ბაჩო ხატიაშვილი
მოქმედი პირნი და შემსრულებელნი:
სირანო დე ბერჟერაკი: გივიკო ბარათაშვილი, ზუკა პაპუაშვილი
როქსანა: ანასტასია ჭანტურაია, ანა წერეთელი, თუთა ოქროპირიძე
კრისტიანი: გიორგი თორაძე, ზუკა პაპუაშვილი, ლუკა ჯაფარიძე
სპექტაკლის შესახებ:
მეჩვიდმეტე საუკუნის საფრანგეთში, ჯერ კიდევ მაშინ როცა ქვეყანას ლუი XIII მართავდა, პარიზის უმშვენიერეს გოგონას – როქსანს ორი გასკონელი კადეტი გაუმიჯნურდა: სწორუპოვარი მეომარი და პოეტი – სირანო დე ბერჟერაკი და თვალწარმტაცი კრისტიან დე ნევილიეტი. ცალ-ცალკე მიჯნურობისთვის არც ერთი გამოდგება: სირანოს საკუთარი გარეგნობა ტანჯავს, კრისტიანმა კი უბრალოდ სასიყვარულო წერილების წერა არ იცის. თუმცა, ერთობლივად შეუძლიათ, როქსანს ქვეყნად ყველაზე ამაღელვებელი სასიყვარულო თავგადასავალი უსახსოვრონ.
„სირანო დე ბერჟერაკი“ მართლაც დიდი სიყვარულის, მეგობრობის, სიმამაცის ამბავია: მშვენიერი ლექსებითა და გულგასაგლეჯი ტრაგედიებით გაჯერებული, რომელიც რა ხანია აღელვებს და ცხარე ცრემლით ატირებს მაყურებელს. ასევე იქნებ დიდი ღალატის და ტყუილისაც, რომელსაც ხშირად ჯიუტად არ ვიმჩნევთ.
„სირანო უნდა მოკვდეს“ კლასიკური პიესის გადაწერილი ვერსიაა, სპექტაკლიკონცერტი, რომელშიც მეცხრამეტე საუკუნის პოეტური სტრიქონების ნაცვლად, პერსონაჟები თანამედროვე ჰიპ-ჰოპის ენით მეტყველებენ და სადაც ამ უცნაურ და უჩვეულო ამბავს ამჯერად უკვე ქალის – როქსანის მონათხრობის მიხედვით გავეცნობით, – ერთადერთი მთავარი გმირის, რომელიც პიესაში არ მომკვდარა და ჯერაც ცოცხალია.
ერთი მოქმედება
სპექტაკლის ხანგრძლივობა 90 წუთი
ასაკობრივი ზღვარი 14+
საერთაშორისო პროექტების მხარდამჭერი ბაზისბანკი